На заводзе ў Касцюковічах работнікі працуюць у холадзе

У Касцюковічах, як і ў іншых рэгіёнах Беларусі, апошнім часам усё часцей узнікаюць пытанні пра ўмовы працы на вытворчасцях, асабліва у халодныя перыяды года. Нядаўна стала вядома, што на адным з заводаў у горадзе тэмпература паветра ў памяшканні была значна ніжэйшай за тую, што павінна быць згодна з санітарнымі правіламі.

Чытайце таксама: «Каток за 95 капеек»: Беларусы скардзяцца на слізкую падлогу ў грамадскім транспарце

У распараджэнні рэдакцыі Магілёў.медыя апынулася фатаграфія, зробленая на Касцюковіцкім філіяле ААТ «Булачна-кандытарская кампанія „Дамачай“», якая паказвае тэмпературу паветра ў працоўным памяшканні — +6,9 °C. Такі паказчык быў 13 студзеня, да наступлення вадохрышчанскіх халадоў.

Работнікі розных заводаў таксама паведамлялі магілёўскаму выданню, што летам на іх месцах працы вельмі горача, а ўзімку холадна. Тэмпература ў цэхах мала чым адрозніваецца ад вулічнай, і Касцюковіцкі філіял у гэтым плане «не адстае».

Галоўны тэхнічны інспектар абласной арганізацыі галіновага прафсаюза Наталля Войтава нядаўна паведаміла, што на прадпрыемствах вобласці праводзяцца маніторынгі тэмпературнага рэжыму і «праведзена тлумачальная работа па павышэнні асабістай адказнасці працуючых». Але на справе сітуацыя ў Касцюковічах паказвае, што мясцовыя ўлады не дбаюць пра тэмпературныя ўмовы і бяспеку работнікаў. Магілёў.медыя адзначае, што сама праблема цягнецца дзесяцігоддзямі.

Сам завод месціцца ў кіламетры ад адміністрацыйнага будынка. Філіял даўно не з’яўляецца юрыдычнай асобай і ледзь зводзіць канцы з канцамі.

Якая тэмпература мусіць быць на працоўных месцах

Згодна з нарматывамі Міністэрства аховы здароўя і Мінпрацы, аптымальная тэмпература паветра на працоўным месцы залежыць ад характару дзейнасці:

• Сядзячая праца — 22–24 °C у халодны перыяд.
• Высокая фізічная нагрузка — 16–18 °C, бо арганізм сам выдзяляе цяпло.
• Сярэдняя актыўнасць — 19–21 °C.

Тэмпература +6,9 °C у цэху Касцюковіцкага філіялу «Дамачай» — гэта значна ніжэй за нормы, што стварае рэальныя рызыкі для здароўя: павышаную стомленасць, верагоднасць прастудных захворванняў і зніжэнне прадукцыйнасці.

Сітуацыя з заводам у Касцюковічах паказвае, што нормы па цеплыні паветра не выконваюцца належным чынам, і пакуль ўсё, што ёсць, — гэта словы аб маніторынгу і тлумачальнай працы.

Чытайце таксама: Жительница Ведрича пожаловалась в TikTok на холод, а спустя два дня удалила видео и записала новые. К ним есть вопросы

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро